वीरगन्ज । पियुस चाचान चाचान समूहमा तेश्रो पुस्ताका युवा व्यावसायी हुन् । उनले आफ्नो पुर्खाको व्यावसाय भन्दा फरक व्यावसाय रोजेका छन् । बाबु बाजेले गर्दै आएको दाल, चामल लगायतका खाद्य वस्तुको उत्पादन गर्दै आएको उद्योगमा नै उनले वाटर पार्क र विभिन्न खेल सामग्री सहितको मनोरञ्जन पार्क खोलेका छन् ।
कक्षा १ देखि नै भारतमा अध्ययन गर्दै आएका पियुस एमबिएको अध्ययन पूरा गरेपछि नेपाल फर्किएका हुन् । नेपाल फर्किएर उनले बाबु बाजेले गर्दै आएको उद्योग व्यावसाय सम्हाल्न छोडेर आफैले नयाँ शुरु गरेका हुन् । वीरगन्ज पथलैया औद्योगिक करिडोरको परवानीपुरमा उनले वीरगन्ज एडभान्चर्स प्रा.लि.थ्रिल फ्याक्ट्री) को नामले साहसिक मनोरञ्जनको व्यावसाय शुरु गरे ।
उनले २०७७ साल असोज २० गते एडभान्चर्स पार्क सञ्चालनमा ल्याएका छन् । २० करोड लगानीमा औद्योगिक करिडोरमा सञ्चालनमा आएको मनोरञ्जन पार्क खोल्नुको उद्देश्य सधै पूरानो व्यापार व्यावसाय भन्दा फरक व्यावसाय गरेर नेपालमै पनि सम्भावनाहरु छन् भन्ने सन्देश दिन खोजेका छन् ।
उनका बाबु बाजेले गर्दै आएको व्यापार व्यावसाय भन्दा केही फरक किसिमको व्यावसायमा उनले हात हालेका छन् । पुर्खाले गर्दै आएको व्यापार व्यवासायमै समय बिताउनु भन्दा आफूले बाहिर पढेर सिकेर आएको नयाँ सीप र क्षमतालाई समयको माग अनुसार प्रयोग गर्नका लागि आफूले उक्त व्यावसायलाई रोजेको चाचान बताउछन् ।
उद्योगहरु त पहिलेदेखि नै चल्दै आएकोले नयाँ पुस्ताले पढेर आएपछि पूरानै व्यावसायमा हात हाल्नु हुदैन पूरानो तरिकाको व्यावसाय युवाहरुले समहालन पनि गाह्रो हुन्छ भनेर नै पियुषले आफ्नो पुख्र्यौली व्यावसायलाई रोज्न चाहेनन् । पूरानो उद्योग व्यवासायहरु च्लिरहेकै छन् । त्यसमा कहिले मजदुरको समस्या कहिले बैंकको समस्या कहिले के समस्या आईरहने भएरपनि नयाँ पुस्ताले मजदुरहरुसँग डिल गर्न झण्झट मानेर बेग्लै व्यासाय शुरुवात गरेको बताउछन् ।
नयाँ व्यवासायको शुरुवातमा खासै नचलेपनि यसको आवश्यकता विस्तारै बढ्दै जानेमा उनी ढुक्क छन् । अहिले शुरुवातमा केही समस्याहरु आएपनि धैर्यता राख्नुपर्ने उनी बताउछन् । अहिले बजारमा पैसाको अभाव भएर केही चुनौतीहरु भएपनि सम्भावना भने प्रचुर रहेको उनको भनाई छ । सबैलाई डर त छ पैसा डुब्ने हो कि भन्ने तर यहाँ धेरै विकासहरु पनि भएका छन् ।
पियुसको बुझाईमा वीरगन्जमा अझै धेरै परिवर्तन हुन बाँकी छ । शिक्षा, स्वास्थ्य लगायतका विकास विस्तारै हुदैछ । अशिक्षाका कारण अलिकति पछाडि परेको छ । त्यसैले वीरगन्जको विकास अब नयाँ पुस्ताले नै गनुृपर्ने भएर पनि बाहिर पढेर पनि नेपालमै आएर नयाँ व्यावसायमा हात हालेको पिउस जस्ता नयाँ युवा उद्यमीको बुझाई छ ।
उनले सञ्चालनमा ल्याएको मनोरञ्जन पार्कमा पनि अहिले मुख्य समस्या भनेको मेशिनहरु बिग्रिएमा चाहिँ समस्या हुने गरेको छ । सबै सामान भारतबाट ल्याउनुपर्ने भएको र भन्सार पनि झण्झटिलो हुने गरेको छ । त्यस बाहेका अन्य समस्या खासै उनले बेहोर्नु परेको छैन । देशको अवस्थाबाट निराश हुदै गएका युवाको भन्दा फरक सोच पियुषमा छ ।
केही गर्ने अठोट लिएपछि धैर्यता राख्नुपर्छ भन्ने सोचका व्यक्ति हुन् । धेरै युवाहरु रोजगारीको लागि विदेशिएका छन् । उनी रहर भन्दा पनि बाध्यताले बाहिर गएको हुँदा उनीहरुलाई नेपालमै रोक्ने खालको उद्यम व्यावासयहरुको विकास गर्नुपर्ने आवश्यकता औल्याछन् । उनी आफै बाहिर पढ्न गएपनि फर्किएर आएपछि वीरगन्ज केही गर्नुपर्छ भन्ने सोचले व्यावसाय शुरु गरेको उनी भन्ने गर्छन् ।
उनीहरु जस्ता युवाहरुले नगरे वीरगन्जको विकास कसले गर्ला भनेर उनी प्रश्न पनि गर्छन् । हरेक क्षेत्रमा शुरुमा जोखिम मोलेर नै काम गर्नुपर्ने भएकोले पियुषले सञ्चालनमा ल्याएको नयाँ व्यवासायमा पनि चुनौतीहरु देख्छन् । तर, शुरुवातको ६/७ महिना अत्यन्त सन्तोषजनक रहेकोले पनि अब आउने दिनमा मनोरञ्जनका लागि आउने दर्शकहरुको संख्या बढ्ने विश्वास पियुषको छ ।
उन आशावादी स्वभावका युवा हुन् । उनी सबै कुरा खत्तमै भयो बिग्रियो भन्ने पक्षमा छैनन् । उनले सञ्चालनमा ल्याएको मनोरञ्जनात्मक वाटर पार्कमा चारजना प्रशिक्षक र कर्मचारी गरी ३० जनाले रोजगारी पाएका छन् । दुईजना भारतीय र दुईजना नेपाली प्रशिक्षक पार्कमा अहिले राखिएको छ । अहिले सबै क्षेत्रमा जोखिम उस्तै रहेकोले पनि जोखिम मोलेर भएपनि उच्च मानोबलका साथ पियुषले काम गरिरहेका छन् ।
नयाँ पुस्ताले धेरै तनावपूर्ण कामहरु गर्न नचाहेर पनि अहिले नयाँ व्यावसायमा उनीहरुको प्रवेश बढेको छ । व्यापार व्यावसायमा बाबु बाजेले भोगेका तनाव नयाँ पुस्ताले भोग्न नपरोस भनेर पनि नयाँ र केही फरक पनका लागि नयाँ व्यावसायहरु खोजी गर्दै नयाँ पुस्ताले लगानी गरिरहेका छन् । नयाँ पुस्ताको उद्योग व्यावसायमा प्रवेश र लगानी विश्व परिवेशमा देखिएका नयाँ प्रविधि र विकासको सोचमा भएको देखिन्छ ।
नयाँ पुस्ताले खोज्ने र रुचाउने खालको व्यावसायहरुमा नै उनीहरु लगानी गर्न चाहन्छन् । अहिलेको आर्थिक अवस्थाको बारेमा युवा पुस्ताहरु पनि जानकार छन् । विश्वको अर्थतन्त्र नै असन्तुलित भएको अवस्थामा नेपालमा पनि केही समस्या देखिनु स्वभाविक रहेको र सरकारले पनि काम गरिरहेकोले परिवर्तन हुनेमा आशावादी पनि छन् ।
देशको विकास र समृद्धिका लागि युवाको पलायन रोक्नुपर्ने र नेपालमै बसेर काम गर्ने वातावरण सृजना गर्नुपर्ने नयाँ पुस्ताको सुझाव छ । स्वदेशमै काम गर्न युवाहरुलाई प्रोत्साहन गर्नुपर्ने, युवा पलायन गरेर देशको विकास र समृद्धि नहुने युवा उद्यमीहरु तर्क गर्छन् । देशको विकास नहुनुमा कुनै एक पक्ष मात्रै दोषी नभई सबैको दोष रहेको देख्छन् ।
कसैले कसैलाई दोषारोपण गरेर भन्दा पनि सबैले हातेमालो गरेर विकास र समृद्धिलाई अगाडि बढाउन र देश विकास गर्न युवाहरुले हौसला खोजेका छन् । राज्यले बैंक ब्याजदरमा सहजता गरिदिने र भूमिको व्यावस्था गरिदिए युवा उद्यमीहरुको मनोबल पनि बढ्ने आर्थिक विकासमा पनि टेवा पुग्ने पियुष जस्तै युवा उद्यमीहरुलाई लागेको छ ।
