वीरगन्ज। बीरगन्ज महानगरपालिका वडा नम्बर १४ पिपरामठमा रहेको नृरसिंह माध्यमिक विद्यालयमा अध्ययनरत एक विद्यार्थी माथि छुरा प्रहार भएको छ । विद्यालयको कक्षा १० मा अध्ययनरत महम्मद फिरोज आलममाथि कक्षा ९ मा अध्ययनरत अनुराग यादवले छुरा प्रहार गरेको वडा प्रहरी कार्यालय श्रीपुरका प्रहरी निरीक्षक धर्मजंङ थिङले जानकारी दिनुभयो ।
छुरा प्रहारबाट कालिकामाइ गाउँपालिका वडा नम्बर १ निवासी अग्रीम आलमका छोरा फिरोज आरम घाईते भएका हुन् । उनी वीरगन्ज महानगरपालिका वडा नम्बर १४ मा मामाघरमा बस्दै आएका थिए । छुरा प्रहार गर्ने सखुवा प्रसौनी गाउँपालिका वडा नम्बर २ निवासी हुन् ।
उनी वीरगन्ज १३ राधेमाई डेरा लिएर बस्दै आएका थिए । पुरानो रिसइवीका कारण यादवले आलममाथि छुरा प्रहार गरेको प्रारम्भिक अनुसन्धानबाट खुलेको प्रहरी निरीक्षक थिङ्गले बताउनुभयो । घाईते आलमको बीरगन्जको तराइ अस्पतालमा उपचार भइरहेको प्रहरीले जनाएको । छुरा प्रहार गर्ने विद्यार्थी यादव फरार रहेकोले उनको खोजी कार्य जारी रहेको प्रहरी भनाइ छ।
