वीरगन्ज । आँधीबेहरीका कारण ग्रिसको एउटा मालवाहक जहाज लेस्बोस द्वीप नजिकै डुबेको छ । जहाजमा रहेका १४ जना मानिस हराइरहेका ग्रिसका तटरक्षकले बताएका छन् । जहाज नुनले भरिएको थियो ।
हराइरहेका चालक दलका सदस्यहरूमा दुई जना सिरियाली, चार जना भारतीय र आठ जना इजिप्टका नागरिक रहेका छन् । डुबेको जहाज र हराइहेकाहरूको खोजी भइरहेको एएफपीले जनाएको छ ।
ADVERTISEMENT
नौसेनाको एउटा हेलिकप्टरले चालक दलका एक जना सदस्यलाई भने उद्धार गरेको छ । ग्रिसको तटीय क्षेत्रमा हिजो आएको आँधीका कारण कैयौँ जहाज प्रभावित भएका थिए । ग्रिसको राष्ट्रिय मौसम विज्ञान सेवाले आपत्कालीन मौसमको चेतावनी जारी गरेको छ ।
