वीरगन्ज । ‘जान्नेलाई छान्ने’ नारा सहित निलो क्रान्तिमा लागेको राष्ट्रिय स्वतन्त्र पार्टीले पर्साको निर्वाचन क्षेत्र नम्बर ३ को उम्मेदवारको शैक्षिक योग्यता भने दश पास मात्रै उल्लेख छ ।
राष्ट्रिय स्वतन्त्र पार्टी ९रास्वपा० ले निर्माण व्यावसायी रामाकान्त चौरसियालाई पर्साको क्षेत्र नम्बर ३ बाट प्रतिनिधिसभा सदस्यमा उम्मदवार बनाएको छ ।
‘जान्नेलाई छान्ने’ नारा बोकेर निलो क्रान्ति शुरु गरेको रास्वपाले पर्सा क्षेत्र नम्बर ३ मा उम्मेदवार बनाएको रामाकान्त चौरसियाको निर्वाचन कार्यालयमा बुझाएको विवरणमा शैक्षिक योग्यता कक्षा १० पास मात्रै उल्लेख गरिएको पाईएको हो ।
वीरगन्जको बसपार्कमा कवाड व्यावसाय गरेको स्व।गयाराम चौरसियाका छोरा रामाकान्त चौरसिया मोना कन्स्ट्रक्सनका सञ्चालक पनि हुन् ।
‘गयाराम कवाडी’ ले परिचित गयाराम प्रसाद चौरसियाका एकमात्र छोरा रामाकान्त चौरसिया अहिले रास्वपाबाट पर्साको क्षेत्र नम्बर ३ बाट उम्मेदवार छन् । स्थानीय व्यावसायीहरुका अनुसार गयाराम प्रसाद चौरसिया अत्यन्तै समाजसेवी थिए ।
उनले विभिन्न स्थानमा विभिन्न भवन निर्माणका लागि जग्गा दान समेत गरेका छन् । तर, निर्माण व्यावसायमा लागेका छोरा रामाकान्त चौरसिया भने अहिले पर्साकै विभिन्न स्थानमा दशौंबर्षदेखि पुल निर्माण अलपत्र पारेको ठेकेदारको रुपमा बदनाम भएका छन् ।
उनको निर्माण कम्पनीले सकारेको पर्साका विभिन्न स्थानका पुलहरु १० औं बर्षदेखि अलपत्र अवस्थामा छन् । पर्सा क्षेत्र नम्बर ३ मा यसअघि निर्वाचिन जनप्रतिनिधिहरुको व्यावसायिक र राजनीतिक पृष्ठभूमि विवादिद बनेपछि त्यसक्षेत्रका जनता यसपटक अन्याय नसहने पक्षमा छन् ।
यसअघि २०७४ सालको निर्वाचनमा जनता समाजवादी पार्टी नेपालबाट टिकट पाएका पप्पु कन्स्ट्रक्सनका सञ्चालक हरिनारायण रौनियार अख्तियार दुरुपयोग अनुसन्धान आयोगमा मुद्दा परेपछि निलम्बित भएका थिए ।
त्यसपछि पर्सा क्षेत्र नम्बर ३ जनप्रतिनिधिविहिन अवस्थामै कार्यकाल सकियो । त्यसबेला क्षेत्र नम्बर ३ का जनताको आवाज बोलिदिने कोही पनि भएन अन्यायमा परे । त्यस्तै २०७९ को निर्वाचनमा नेकपा एमालेबाट राजकुमार गुप्ता प्रतिनिधिसभा सदस्यमा निर्वाचित भए ।
उनी पनि संघीय मामिला तथा सामान्य प्रशासन मन्त्री भएको बेला लिचीबारी जग्गा प्रकरणमा भ्रष्टाचार गरेको आरोपमा अख्तियारमा मुद्दा दायर भएपछि अहिले थुनामै रहेका छन् ।
अब फागुन २१ हुने निर्वाचनमा भने पर्सा क्षेत्र नम्बर ३ का जनताले पहिले जस्तै अन्याय सहनेवाला छैनन् । उनीहरु विवादित पृष्ठभूमिका व्यक्ति र उम्मेदवारहरुलाई मतदान नगर्ने पक्षमा छन् ।
त्यसैले क्षेत्रमा रहेका विभिन्न राजनीतिक दल र दलका उम्मेदवारहरुले व्यापक प्रचार प्रसार गरेपनि देशको राष्ट्रिय र अन्तराष्ट्रिय राजनीति बुझेको दल मात्रै होईन जनताको मुद्दा उठान गर्ने उम्मेदवारको खोजीमा मतदाताहरु छन् ।
आफ्नो गाउँ ठाउँ छोडेर विभिन्न व्यक्तिहरुको अवैध स्रोतबाट जीवनशैलीमा अप्रत्याशित परिवर्तन ल्याएका उम्मेदवार र व्यावायिक पृष्ठभूमिबाट कमाएको पैसाको प्रभावमा बनेका उम्मेदवारहरु भन्दा आफ्नै क्षमतामा उभिएका उम्मेदवारलाई पर्साको क्षेत्र नम्बर ३ का मतदाताले यसपटक जिताउने छन् ।
गणतन्त्र स्थापनापछि निर्वाचन प्रणाली समानुपातिक समावेशी व्यावस्था अनुसार राजनीतिक दलहरुले व्यवासायी, ठेकेदार लगायतलाई राजनीतिमा प्रवेश गराउन थालेपछि राजस्व नीति र विकास निर्माण समेत प्रभावित हुने गरेको छ ।
ठूला ठूला व्यावसायीहरुले जनप्रतिनिधिको रुपमा राजनीतिक दलको अवरणमा राज्यको करनीति र राजस्व नीतिमा समेत ठाडो हस्तक्षेत्र गर्ने गरेका कारणले व्यावसायीहरुकै अनुकुलतामा राज्य सञ्चालकहरु लाग्न थाले ।
यसले नागरिकहरु भने पीडित भएका छन् । यसपटक पर्सा क्षेत्र नम्बर ३ का मतदाता आफू आन्यायमा पर्ने गरी मतको दुरुपयोग नगर्ने पक्षमा छन् ।
