वीरगन्ज । जीतपुरसिमरा–९, नितनपुर चोकस्थित भगवती स्टिलमा सम्पन्न आधिकारिक ट्रेड युनियनको निर्वाचनमा नेकपा माओवादी केन्द्र समर्थित अखिल नेपाल औद्योगिक मजदुर युनियन विजयी भएको छ।
बुधबार सम्पन्न निर्वाचनमा माओवादी केन्द्रको प्यानलले आफ्ना प्रतिस्पर्धी, नेकपा (एमाले) समर्थित संगठनलाई ३१ मतको अन्तरले पराजित गरेको हो।
ADVERTISEMENT
कुल १७३ मतदाता रहेकोमा १६६ मत खसेको थियो। त्यसमध्ये, ९ मत बदर भएको थियो भने बाँकी १५७ मत सदर भएको थियो।
अन्तिम मतपरिणामअनुसार, अखिल नेपाल औद्योगिक मजदुर युनियन (माओवादी केन्द्र) ले ९४ मत प्राप्त गरेको थियो भने प्रतिस्पर्धी एमाले समर्थित संगठनले ६३ मत मात्र प्राप्त गरेको थियो।
यस विजयसँगै, भगवती स्टिलको आधिकारिक ट्रेड युनियनको नेतृत्व माओवादी केन्द्रको हातमा आएको छ।
