वीरगन्ज– नेपाल प्रहरी मधेस प्रदेश कार्यालय वीरगन्जका प्रमुख प्रहरी बरिष्ठ उपरीक्षक शान्तिराज कोईरालाले मधेसको शान्ति सुरक्षा र अपराध नियन्त्रणमा प्रदेश प्रहरी कार्यालयको समन्वयकारी भूमिका रहने बताएका छन् ।
भर्खरै वीरगन्जमा स्थापना भएको नेपाल प्रहरी मधेस प्रदेश कार्यालयमा शुक्रबार पर्साका पत्रकारहरुसँगको भेटघाट तथा परिचयात्मक कार्यक्रममा प्रहरी बरिष्ठ उपरीक्षक कोईरालाले मधेसमा अपराधन नियन्त्रण र शान्ति सुरक्षाको सवालमा समन्वयकारी भूमिका निर्वाह गरी शान्ति सुव्यवस्था कायम गर्ने बताएका हुन् ।
प्रदेश प्रहरी संरचनाको बारेमा जानकारी दिदै प्रहरी बरिष्ठ उपरीक्षक कोईरालाले नेपाल प्रहरी प्रदेश कार्यालयबाट हुने कार्यसम्पादन र क्षेत्राधिकारको विषयमा पनि जानकारी गराएका थिए । उनले विभिन्न अपराध र सुरक्षाको मा सामाजिक अपराध नियन्त्रणमा सबैभन्दा बढी चुनौती देखिएको छ ।
मुलुकमा संघीयता कार्यान्वयनपछि परिवर्तन भएको प्रहरी संरचना अनुसार २०७५ सालमा संघीय प्रहरी इकाईको रुपमा जनकपुरमा स्थापना भई २०७८ साल फागुन ५ गतेको मन्त्री परिषदको निर्णयानुसार कार्यान्वयनमा आएको नेपाल प्रहरी प्रदेश कार्यालयलाई हाल वीरगन्जमा स्थानान्तरण गरी सञ्चालनमा ल्याईएको प्रहरी बरिष्ठ उपारीक्षक कोईरालाले बताए ।
वीरगन्जमा सञ्चालनमा आएको नेपाल प्रहरी प्रदेश कार्यालयले मधेसका ८ वटै जिल्लाका प्रहरी कार्यालयहरुसँग सहयोग र सहकार्य गर्दै शान्ति– सुव्यवस्था कायम राख्ने, अपराध रोकथाम, अनुसन्धान र नियन्त्रण गर्ने, मानव संसाधन व्यवस्थापन गर्ने उनले बताए ।
प्रदेश प्रहरी कार्यालयले खासगरी सूचना संकलन गरी अपराधनको विश्लेषण गर्ने, फैसला कार्यावन्यनलाई उच्च प्राथामिकता दिएर काम गर्ने प्रहरी बरिष्ठ उपरीक्षक कोईरालाले बताए ।
संघीय प्रहरी ऐन अहिले जारी नभएकाले यसको कार्यान्वयनका लागि केही चुनौतीहरु हुन सक्ने भएपनि संघीय प्रहरी ऐन जारी भएर समायोजन भएपछि प्रदेश प्रहरी कार्यालयको भूमिका र आवश्यकता अझ महत्वपूर्ण हुने बताए ।
