विश्व बेपत्ता विरुद्धको दिवसमा दीप प्रज्जवलन

वीरगन्ज । वीरगन्जमा विश्व बेपत्ता विरुद्धको दिवसको अवसरमा वीरगन्जमा विभिन्न संघ संस्थाले दीप प्रज्जवलन गरेको छ । पर्सागढी सहिद स्मृति प्रतिष्ठान सहित विभिन्न संघ संस्थाहरुले वीरगन्जको घण्टाघरमा शनिबार साँझ दीप प्रज्जवलन गरेको हो ।

पर्सागढी सहिद स्मृति प्रतिष्ठानका अध्यक्ष बालकृष्ण श्रेष्ठको अध्यक्षतामा भएको दीप प्रज्जवलन कार्यक्रममा नेकपा माओवादी केन्द्रका युवा नेता समाजसेवी अमिताभबच्चन दास, प्रेस सेन्टर नेपाल मधेस प्रदेश अध्यक्ष निरज पिठाकोटे मगर, दिनेश यादव,

ADVERTISEMENT

चन्द्रशेखर प्रजापति, कृष्ण प्रजापति लगायत पर्सागढी सहिद स्मृति प्रतिष्ठानका पदाधिकारी तथा सदस्यहरु लगायतको उपस्थिति रहेको थियो । त्यस्तै नेपाल रेडक्रस सोसाईटी पर्सा र एम्नेष्टि इन्टरनेशन लगायतका संघ संस्थाहरुले पनि दीप प्रज्जवलन गरेका थिए ।