वीरगंजमा जापानीज इन्सेफलाइटिस नियन्त्रण प्रयास तीव्र, सुँगुर फार्ममा महानगरको निगरानी

वीरगंज — जापानीज इन्सेफलाइटिसको बढ्दो जोखिमलाई मध्यनजर गर्दै वीरगंज महानगरपालिकाले सुँगुर तथा बंगुर फार्महरूमा सरसफाइ र सचेतना अभियानलाई तीव्रता दिएको छ। महानगरको कृषि, वातावरण र प्रहरीको संयुक्त टोलीले वडा नं. १९ र २२ का फार्महरूमा अनुगमन गरी किसानहरूलाई लामखुट्टे नियन्त्रण र फोहोर व्यवस्थापनका लागि निर्देशन दिएको हो।

महानगर प्रमुख राजेशमान सिंहका अनुसार, रोग नियन्त्रणका लागि नियमित औषधि छर्कने र फार्महरूको सरसफाइमा कडाइ गरिएको छ। अभियानले जोखिममा रहेका दलित बस्तीहरूमा समेत पुगेर सामूहिक सरसफाइ र रोकथामका उपायबारे जनचेतना फैलाइरहेको छ।

ADVERTISEMENT