कलैया। बाराको कलैया उपमहानगरपालिका–२३ सिसहनिया चौकमा आइतबार राति भएको सवारी दुर्घटनामा मोटरसाइकल चालक उपेन्द्र राउत कुर्मीको मृत्यु भएको छ।
कलैया–वीरगञ्ज सडक खण्डमा बा ५९ प ४०५३ नम्बरको मोटरसाइकल र ना १ ज १९४१ नम्बरको टाटा सुमो ठोकिँदा घाइते भएका कुर्मीको उपचारका क्रममा मृत्यु भएको प्रहरीले जनाएको छ।
ADVERTISEMENT
घटनापछि आक्रोशित स्थानीयले बैराठपुर चौकमा टायर बाल्दै सडक अवरुद्ध गरी प्रदर्शन गरेका छन्। उनीहरूले सुरक्षित यातायात व्यवस्था र दोषी चालकलाई कडा कारबाही गर्न माग गरेका छन्। प्रहरीले परिस्थितिलाई नियन्त्रणमा लिई स्थानीयसँग वार्ता सुरु गरेको छ।
