काठमाडौं । नेपालको संविधान जारी भएको एक दशक पूरा भएको अवसरमा सरकारले यस वर्षको संविधान दिवसलाई त्रिदिवसीय उत्सवका रूपमा भव्यताका साथ मनाउने तयारी गरेको छ।
प्रधानमन्त्री केपी शर्मा ओलीको अध्यक्षतामा सिंहदरबारमा बसेको बैठकले असोज २, ३ र ४ गते नेपालभर तथा विदेशस्थित दूतावास/नियोगहरूमा विविध कार्यक्रम आयोजना गर्ने निर्णय गरेको छ।
ADVERTISEMENT
मुख्य समारोह असोज ३ गते टुँडीखेलमा सर्वसाधारणको उपस्थितिमा हुने छ। त्यससँगै राष्ट्रिय गान, राष्ट्रियता र संविधानमाथि केन्द्रित संवाद, झाँकी प्रदर्शन, साङ्गीतिक महोत्सव, नाटक तथा विभिन्न सांस्कृतिक कार्यक्रम गर्ने प्रस्ताव गरिएको छ।
प्रधानमन्त्री ओलीले संविधान दिवसलाई विकास, राष्ट्रियता, मौलिक हक, समावेशिता र महिला सशक्तीकरणसँग जोडेर वडा र विद्यालय तहसम्म जनस्तरमा विशेष कार्यक्रम गर्नुपर्नेमा जोड दिएका छन्।
