काठमाडौं । आइतबार गृह मन्त्रालयमा बसेको केन्द्रीय सुरक्षा समितिको बैठकले मुलुकभरको शान्ति सुरक्षाको समीक्षा गरेको छ।
बैठकमा धर्ना, जुलुस र आन्दोलनलाई मध्यनजर गर्दै प्रभावकारी सुरक्षा व्यवस्था मिलाउनेबारे छलफल भएको गृह मन्त्रालयका प्रवक्ता आनन्द काफ्लेले जानकारी दिए।
ADVERTISEMENT
पर्साको वीरगंजमा फैलिएको हैजा प्रकोपलाई ध्यानमा राख्दै चिकित्सकसहित मेडिकल टोली तत्काल परिचालन गर्ने तयारीसमेत बैठकले गरेको छ।
गृहमन्त्री रमेश लेखकले नेपाली सेना, नेपाल प्रहरी र सशस्त्र प्रहरी बललाई आवश्यक परे तत्काल परिचालन हुनसक्ने गरी तयारी अवस्थामा रहन निर्देशन दिएका छन्।
बैठकमा गृहसचिव गोकर्णमणि दुवाडीसहित सुरक्षा निकायका प्रमुख तथा प्रतिनिधिहरू सहभागी थिए।
