साउनमा वीरगन्ज नाकाबाट ६८ अर्बभन्दा बढीको आयात, निर्यात र राजस्व संकलनमा वृद्धि

यसैगरी, निर्याततर्फ पनि उत्साहजनक वृद्धि देखिएको छ। चालु आवको साउनमा ८ अर्ब ४५ करोड रुपैयाँको सामान विभिन्न मुलुकमा निर्यात भएको छ। गत आवको सोही महिनामा निर्यात रकम ३ अर्ब ५ करोड मात्र रहेकोमा यस वर्ष झण्डै तीन गुणाले वृद्धि भएको भन्सार कार्यालयले जनाएको छ।

राजस्व संकलनमा पनि वृद्धिको क्रम देखिएको छ। चालु आवको साउन महिनामा वीरगन्ज भन्सार कार्यालयले १८ अर्ब ४४ करोड राजस्व संकलन गरेको छ। अघिल्लो आवको साउनमा १५ अर्ब ९२ करोड संकलन भएको थियो।

भन्सार कार्यालयका अधिकारीहरूका अनुसार साउन महिनाको तथ्याङ्कले यो नाकाबाट हुने व्यापार तथा राजस्व संकलन दुवै क्षेत्रमा सकारात्मक संकेत देखाएको छ। वीरगन्ज नाकालाई मुलुकको सबैभन्दा ठूलो व्यापारिक नाका मानिन्छ।