काठमाडौं । संघीय संसद् अन्तर्गत प्रतिनिधिसभाको बैठक आज दिउँसो १ बजे बस्दैछ। बैठकमा अर्थमन्त्री विष्णुप्रसाद पौडेलले वैकल्पिक विकास वित्त परिचालन विधेयक, २०८२ पारित गर्ने प्रस्ताव पेश गर्नेछन्।
यससँगै भूमिसम्बन्धी ऐन संशोधन, नेपाल पशु चिकित्सा परिषद् (पहिलो संशोधन), सूचना प्रविधि तथा साइबर सुरक्षा, र राष्ट्रिय खेलकुद विकास (पहिलो संशोधन) विधेयक सम्बन्धित समितिमा पठाउने प्रस्ताव कार्यसूचीमा छन्। गृह, श्रम, वन तथा वातावरण र खेलकुद मन्त्रालयसँग सम्बन्धित मौखिक प्रश्नोत्तर पनि बैठकको एजेन्डामा छ।
ADVERTISEMENT
