सर्लाही । सर्लाहीमा शुक्रबार राति गोली हानेर शिक्षकको हत्या भएको छ । सर्लाहीको हरिपूर्वा नगरपालिका–६, का ४५ वर्षीय रामपुकार रायको अज्ञात समूहले गोली हानेर हत्या गरेका हुन् ।
गोली प्रहारबाट गम्भीर घाइते भएको रायको उपचारको लागि महोत्तरीतर्फ लगिएको थियो । अस्पताल पुर्याएका रायलाई चिकित्सकले मृत घोषणा गरेको हरिपूर्वा प्रहरी चौकीले जनाएको छ ।
ADVERTISEMENT
आफ्नै घर अगाडि बसी रहेको अवस्थामा अज्ञात समूहले गोली प्रहार गरेको स्थानीयले बताएको छ । मोटरसाइकलमा आएका दुई जनाको समूहले रायको टाउकोमा गोली प्रहार गरेको छ प्रहरीले जनाएको छ । हत्यामा संलग्नहरुको खोजी भईरहेको सर्लाही प्रहरीले जनाएको छ ।
