वीरगन्जको एपेक्स म्यानेजमेण्ट कलेजले बीबीए पहिलो ब्याचमा शतप्रतिशत रिजल्ट निकाल्न सफल भएको छ । सुदूरपश्चिम विश्वविद्यालयबाट सम्बन्धन प्राप्त एपेक्स म्यानेजमेण्ट कलेजमा गतबर्ष साउन ३२ गते बीबीए कार्यक्रम शुरु गरिएको थियो । ३३ जनाको सिट रहेको कलेजमा गत शैक्षिक सत्रको बीबीए पहिलो ब्याचमा २८ जना विद्यार्थी भर्ना भएका थिए ।
भर्ना भएका २८ जनामा सबैजना बीबीए उत्तीर्ण भएका छन् । बीबीए शुरुवातको पहिलो ब्याजले शतप्रतिशत नतिजा ल्याउन सफल भएको कलेजका सञ्चालक समिति अध्यक्ष डा.दिपेन्द्र कुमार चौधरीले बताए । कलेजमा भर्ना भएका बीबीएका विद्यार्थीहरुको पहिलो ब्याचले नै नतिजा राम्रो ल्याएर कलेजलाई वीरगन्जकै उत्कृष्ट कलेजको रुपमा स्थापित गरेको सञ्चालक डा.चौधरीले बताए ।
कलेज सञ्चालक समूहको उत्कृष्ट व्यावस्थापन, अनुभवी र दक्ष प्राध्यापकहरुको योगदान र विद्यार्थीहरुको मेहनत र लगनशिलताको सफलता भएको कलेजका एकेडेमिक निर्देशक दर्शन केसीले बताए । बीबीए पहिलो ब्याचको नतिजाले कलेजलाई थप हौसला र उर्जा मात्रै थपेको छैन । वीरगन्जलाई शैक्षिक हब बनाउन लागि परेका वीरगन्जका शैक्षिक संस्थाहरुलाई पनि बल पुगेको छ ।
साथै वीरगन्जमा शैक्षिक गुणस्तर राम्रो छैन भन्ने भ्रममा रहेकाहरुको भ्रम चिर्न पनि एपेक्स म्यानेजमेण्ट कलेज सफल भएको छ । यसले उच्च शिक्षाका लागि राम्रो कलेज खोज्दै वीरगन्ज बाहिर जाने विद्यार्थीहरुका लागि पनि एपेक्स म्यानेजमेण्ट कलेज राम्रो शैक्षिक गन्तव्य बनेको छ ।
शिक्षामा कर्णालीपछिको मधेस प्रदेशमा सुदूरपश्चिम विश्वविद्यालयकै बीबीए कार्यक्रमले यति राम्रो नतिजा ल्याउनु शिक्षाक्षेत्रमा मधेसका कलेजहरुको शैक्षिक गुणस्तर बढेको मानक पनि एपेक्स म्यानेजमेण्ट कलेज बनेको छ ।
