काठमाडौं । अविरल वर्षाका कारण रोल्पा र दैलेखका दुई प्रमुख सडक अवरुद्ध भएका छन्।
रोल्पाको घोराही–थवाङ सहिद मार्ग परिवर्तन गाउँपालिका–१ लिक्याङमा बिहान ७ बजे पहिरो खसेपछि बन्द भएको छ।
ADVERTISEMENT
त्यस्तै, दैलेख–कर्णाली राजमार्ग आठबिस नगरपालिका–५ खिड्की जिउला नजिकै पहिरो र जाक्सी खोलाको बहाव बढ्दा बिहान ७:२० बजेदेखि पूर्णरूपमा अवरुद्ध छ।
प्रहरीका अनुसार दुवै सडक खुलाउन डोजर तयारी अवस्थामा राखिएको भए पनि लगातारको वर्षाले मर्मत कार्य सुरु गर्न कठिनाइ भइरहेको छ।
