ठोरी । पर्साको ठोरी गाउँपालिका–४, गोपीवस्तीमा आइतबार दुर्लभ पाटे बाघ मृत अवस्थामा फेला परेको छ। निर्मल मध्यवर्ती उपभोक्ता समितिका अध्यक्ष चिनबहादुर श्रेष्ठका अनुसार, आपसी लडाइँका कारण बाघको मृत्यु भएको हुनसक्ने आशंका गरिएको छ।
घटनास्थलमा जमिन कोतरेको र लडाइँका स्पष्ट संकेतहरू देखिएका छन्। मृत बाघको घाँटीमा अर्को बाघले टोकेको गहिरो चोट देखिएकाले दुई बाघबीच ठूलो भिडन्त भएको हुनसक्ने अनुमान गरिएको छ।
ADVERTISEMENT
आज बिहान खेततर्फ जाँदै गरेका किसानहरूले बाटोमा बाघ सुतेको देखेपछि भागदौड मच्चिएको थियो। यो स्थान भारतको वाल्मीकि टाइगर रिजर्भनजिकै पर्ने भएकाले मृत बाघ त्यही जंगलबाट आएको हुनसक्ने अनुमान गरिएको छ।
