धनगढी । कैलाली कारागारमा झडप हुँदा एक जनाको मृत्यु भएको छ। मृत्यु हुनेमा धनगढी–४ उत्तरभेडीका भरत चौधरी रहेका छन्। झडपमा ४७ जना घाइते भएका जिल्ला प्रहरी कार्यालय कैलालीको सूचना अधिकारी प्रहरी नायव उपरीक्षक राजकुमार सिंहले जानकारी दिए ।
दुईजनाको अवस्था गम्भीर रहेको बताईएको छ । झडप शुक्रबार राति ११ बजे भएको हो। घाइतेको उपचार सेती प्रादेशिक अस्पताल धनगढीमा भइरहेको प्रहरी नायव उपरीक्षक सिंहले बताए ।
ADVERTISEMENT
घटनापछि कारागार परिसरमा व्यापकर सुरक्षाकर्मी परिचालन गरिएको छ । घटनाको कारण भने खुलेको छैन । यसअघि पनि पटक पटक कारागारमा विवाद हुने गरेको स्थानीयहरु बताउछन् । घटनापछि जिल्ला सुरक्षा समितिको बैठक बसिरहेको छ ।
