मकवानपुर । जिल्ला प्रहरी कार्यालय, मकवानपुरले ९ किलो २०० ग्राम लागूऔषध गाँजासहित दुई जना नाबालकलाई नियन्त्रणमा लिएको छ।
बिहीबार दिउँसो करिब २ बजे प्रहरी चौकी रातोमाटेबाट खटिएको टोलीले हेटौंडा उपमहानगरपालिका वडा नं. १५ स्थित रातोमाटे चेकपोइन्टमा सवारी साधन जाँच गर्ने क्रममा चितवनबाट वीरगञ्जतर्फ गइरहेको ना ६ ख ९५३३ नम्बरको यात्रुवाहक बसमा सवार दुई जना नाबालकलाई शंकाका आधारमा रोकेको थियो।
ADVERTISEMENT
खानतलासी गर्दा उनीहरूको झोलामा लुकाएर राखिएको अवस्थामा उक्त परिमाणको गाँजा फेला परेको मकवानपुर प्रहरीले जनाएको छ।
पक्राउ परेका नाबालकहरूलाई नियन्त्रणमा लिएर जिल्ला अदालत, मकवानपुरबाट म्याद थप गरी लागूऔषध कसुरसम्बन्धी थप अनुसन्धान भइरहेको प्रहरीले जानकारी दिएको छ।
