राजविराज । सप्तरी जिल्लाको डाक्नेश्वरी नगरपालिका–५ महादेवाबाट ठूलो परिमाणमा गाँजा बरामद गरिएको छ। प्रस्तावित सीमा सुरक्षा गुल्म पातो र नेपाल प्रहरीको संयुक्त टोलीले ३ सय ९७ किलो गाँजा बरामद गरेको हो।
गोप्य सूचनाको आधारमा खटिएको सुरक्षाकर्मीको टोलीले उक्त गाँजा बरामद गरेको जिल्ला प्रहरी कार्यालय सप्तरीका प्रवक्ता प्रहरी नायव उपरीक्षक जितेन्द्र बस्नेतले जानकारी दिएका छन्।
ADVERTISEMENT
बरामद गरिएको गाँजालाई आवश्यक अनुसन्धान र कानुनी प्रक्रियाका लागि प्रहरी चौकीमा राखिएको छ। यसबारे थप अनुसन्धान भइरहेको प्रहरीले जनाएको छ।
