वीरगञ्ज। जिल्ला प्रहरी कार्यालय पर्साले एक ११ वर्षीया बालिकालाई जबरजस्ती करणी गरेको अभियोगमा एक जनालाई पक्राउ गरेको छ। पर्साको ठोरी गाउँपालिका–२ सुन्दरबस्तीका ४६ वर्षीय अशोक साहलाई प्रहरीले पक्राउ गरेको हो।
साउन २१ गते बिहान करिब १० बजे बाख्रा चराउन गएकी बालिकालाई प्रलोभनमा पारी साहले जंगलमा जबरजस्ती करणी गरेको आरोप छ।
ADVERTISEMENT
पीडित बालिकाको उजुरीपछि प्रहरीले सोही दिन दिउँसो ३ बजे साहलाई नियन्त्रणमा लिएको थियो।
जिल्ला प्रहरी कार्यालय पर्साका प्रवक्ता तथा सूचना अधिकारी प्रहरी नायब उपरीक्षक किशोर लम्सालले दिएको जानकारीअनुसार साहविरुद्ध जबरजस्ती करणीसम्बन्धी कसूरमा अनुसन्धान भइरहेको छ।
आरोपित साहलाई सम्मानित पर्सा जिल्ला अदालतबाट तीन दिनको म्याद थप गरी अनुसन्धान अगाडि बढाइएको छ।
