वीरगन्ज । सुदूरपश्चिम विश्व विद्यालयको सम्बन्धन प्राप्त एपेक्स म्यानेजमेण्ट कलेजको इसीए सिरिजको कार्यशाला गोष्ठीको आयोजना गरिएको छ । बीबीए दोश्रो सेमेष्टरका विद्यार्थीहरुका लागि आयोजना गरिएको आजको तेश्रो चरणको कार्यक्रममा बिजनेश मोडल सम्बन्धी कार्यशालाको आयोजना गरिएको हो ।
बीबीए दोश्रो सेमष्टरका विद्यार्थीहरुलाई आज तेश्रो चरणमा व्यापारको विभिन्न मोडेलहरुको विषयमा सिकाईने कलेजका सञ्चालक समिति अध्यक्ष डा.दीपेन्द्र कुमार चौधरीले जानकारी दिए । कार्यक्रमको प्रमुख अतिथि वीरगन्ज उद्योग वाणिज्य संघका बरिष्ठ उपाध्यक्ष माधव राजपालले उदघाटन गरेका थिए ।
कार्यक्रममा मन्तव्य व्यक्त गर्दै उनले व्यापारको विभिन्न आयाम र क्षेत्र हुने भन्दै व्यापारमा सफलता प्राप्त गर्नका लागि विभिन्न आयामहरुको बारेमा अध्ययन, अनुसन्धान र अभ्यासहरुको आवश्यकता रहेको बताए ।
एपेक्स म्यानेजमेण्ट कलेजले बीबीए पहिलो ब्याचको दोश्रो सेमेष्टरका विद्यार्थीहरुलाई पहिलो चरणमा ‘इफेक्टिभ पब्लिक स्पिकिङ्ग’ दोश्रो चरणमा ‘एकाउण्टिङ वर्कसप’ र आज तेश्रो चरणमा बिजनेस मोडेलको विषयमा कार्यशाला गोष्ठीको आयोजना गरिएको एपेक्स म्यानेजमेण्ट कलेजका शैक्षिक निर्देशक दर्शन केसीले जानकारी दिए ।
कलेजका अध्यक्ष डा.दीपेन्द्र कुमार चौधरीको अध्यक्षतामा भएको कार्यक्रममा वीरगन्ज कलेजका सहायक क्याम्पस प्रमुख रुदल ठाकुर, ट्रिब्यून नेपालका सम्पादक तथा कारोबार दैनिकका मधेस प्रदेश प्रमुख नीरज पिठाकोटे, एसबीआई बैंकका जनकपुर शाखा प्रबन्धक शौरभ सर्राफ, वीरगन्ज कलेजको परीक्षक संयोजक डिके जयसवाल,
फ्याकल्टी मेम्बर प्रकाश साह, विद्यार्थी कल्याण परिषदकी अध्यक्ष सुनिता साह लगायतले विद्यार्थीहरुको सिकाईको सफलताको शुभकामना मन्तव्य व्यक्त गरेका थिए । कलेजका सञ्चालक तथा प्रशासन प्रमुख सुरेश चौधरीले स्वागत मन्तव्य राख्नुभएको कार्यक्रमको सञ्चालन कृष्णा पासवानले सहजीकरण गरेका थिए ।
