एजेन्सी । भारतको अहमदाबादमा गत महिना भएको एअर इन्डियाको बोइङ ७८७-८ ड्रीमलाइनर विमान दुर्घटनाको प्रारम्भिक प्रतिवेदन सार्वजनिक भएको छ। यो दुर्घटनामा २६० जनाको निधन भएको थियो।
प्रारम्भिक प्रतिवेदनले दुर्घटनाको कारणबारे एउटा महत्त्वपूर्ण तर रहस्यमय तथ्य बाहिर ल्याएको छ: विमानका दुवै इन्जिनको फ्युल कन्ट्रोल स्विचहरू ‘रन’ (चालु अवस्था) बाट ‘कट-अफ’ (बन्द अवस्था) मा सारिएको पुष्टि भएको छ।
ADVERTISEMENT
प्रतिवेदनका मुख्य तथ्यहरू:
- सामान्यतया, यो प्रक्रिया विमान गन्तव्यमा सुरक्षित अवतरण गरेपछि मात्रै गरिन्छ। तर, प्रतिवेदनअनुसार दुर्घटनाअघि कुनै पनि आपत्कालीन अवस्था नदेखिएकोले यो कार्य किन गरियो भन्ने प्रश्न उठेको छ।
- विमानमा कुनै यान्त्रिक दोष वा सफ्टवेयर त्रुटि पुष्टि भएको छैन।
- इन्धनको नमूना परीक्षण पनि ‘सन्तोषजनक’ पाइएको छ।
यी तथ्यहरूले दुर्घटनालाई थप रहस्यमय बनाएका छन्, किनकि इन्जिन आफैँ बन्द हुनुको पछाडि कुनै प्राविधिक कारण देखिएको छैन। यस विषयमा थप अनुसन्धान जारी छ र विस्तृत निष्कर्ष आउन अझै समय लाग्नेछ।
