काठमाडौं। सशस्त्र प्रहरी बल, नेपालले करिब एक महिनाको अवधिमा २,१९६ जना सशस्त्र प्रहरी कर्मचारीहरूको बढुवा गरेको छ। बढुवा हुनेमा सशस्त्र प्रहरी वरिष्ठ नायव निरीक्षकदेखि सशस्त्र प्रहरी सहायक हवलदारसम्मका पदहरू रहेका छन्।
कुन पदमा कति बढुवा?
बढुवा भएका पद र संख्या यस प्रकार छन्:
- सशस्त्र प्रहरी वरिष्ठ नायव निरीक्षक: ११ जना
- सशस्त्र प्रहरी नायव निरीक्षक (साधारण समूह, साधारण उपसमूह): ३४ जना
- सशस्त्र प्रहरी नायव निरीक्षक (लेखा उपसमूह): ६ जना
- सशस्त्र प्रहरी वरिष्ठ हवलदार: ६०३ जना
- सशस्त्र प्रहरी हवलदार: ७५९ जना
- सशस्त्र प्रहरी सहायक हवलदार: ७८३ जना
बढुवा प्रक्रिया
सशस्त्र प्रहरी मुख्यालयले जेठ १९ गते सूचना जारी गर्दै बढुवाका लागि आवेदन माग गरेको थियो। सशस्त्र प्रहरी वरिष्ठ नायव निरीक्षक र नायव निरीक्षक (साधारण समूह र लेखा उपसमूह) का लागि १० दिनभित्र तथा सशस्त्र प्रहरी वरिष्ठ हवलदार, हवलदार र सहायक हवलदार पदका लागि १५ दिनभित्र बढुवा फाराम भर्न भनिएको थियो। योग्य उम्मेदवारहरूलाई शैक्षिक योग्यता र बढुवा प्रयोजनार्थ आवश्यक पर्ने प्रमाणपत्रहरूको प्रतिलिपि संलग्न गरी बढुवा समितिको सचिवालयमा पेस गर्न निर्देशन दिइएको थियो।
सशस्त्र प्रहरीले खाली रहेका अन्य दर्जामा समेत तत्कालै बढुवा प्रक्रिया सुरु हुने जनाएको छ।
