वीरगन्ज। सशस्त्र प्रहरी बल, नेपाल नं. १३ गण हे.क्वा. पर्साले विभिन्न स्थानबाट भन्सार छली गरी नेपाल भित्र्याइएका कुल रु बराबरका अवैध सामान नियन्त्रणमा लिई भन्सार कार्यालयमा बुझाएको छ। यो जानकारी सशस्त्र प्रहरी नायव उपरीक्षक तथा सूचना अधिकारी देबेन्द्र बहादुर सिंहले दिनुभएको हो।
बरामद गरिएका सामानको विवरण:
ADVERTISEMENT
- कपडा र छोकडा: २०८२ असार १३ गते वीरगन्ज महानगरपालिका-१, छपकैयाबाट भारतबाट अवैध रूपमा भन्सार छली गरी ल्याई लुकाई छिपाई राखेको अवस्थामा रु बराबरको कपडा र छोकडा नियन्त्रणमा लिई वीरगन्ज भन्सार कार्यालय पर्सामा बुझाइएको थियो।
- छालाको जुत्ता र मोटरसाइकल: सोही दिन सशस्त्र प्रहरी बल, नेपाल बि.ओ.पि. सिर्सियाबाट खटिएको टोलीले पर्सा, वीरगन्ज महानगरपालिका-३, छपकैयाबाट अवैध रूपमा भारतबाट भन्सार छली गरी नेपालतर्फ ल्याउँदै गरेको रु बराबरको छालाको जुत्ता र उक्त कार्यमा प्रयोग भएको मोटरसाइकलसमेत नियन्त्रणमा लिई वीरगन्ज भन्सार कार्यालय पर्सामा बुझाएको थियो।
- चिनी, सिलाउने मेसिन र डिजिटल मेसिन: विशेष सूचनाको आधारमा असार १३ गते सशस्त्र प्रहरी बल नेपाल प्र.सी.सु.गुल्म वीरगन्ज र वीरगन्ज भन्सार कार्यालयबाट खटिएको संयुक्त टोलीले वीरगन्ज महानगरपालिका-१६, नगुवा नयाँ बस्तीस्थित रोहित प्रसाद कानूको घरमा भोला साह तेलीले अवैध रूपमा भण्डारण गरी राखेको रु बराबरको चिनी, पुरानो बोरा सिलाउने मेसिन र पुरानो डिजिटल मेसिन बरामद गरी आवश्यक कारबाहीका लागि वीरगन्ज भन्सार कार्यालय पर्सामा बुझाएको थियो।
यी कारबाहीहरूले भन्सार छली नियन्त्रणमा सशस्त्र प्रहरी बलको सक्रियता देखाएको छ।
