चितवन। मुग्लिन–नारायणगढ सडकखण्डअन्तर्गत चितवनको इच्छाकामना गाउँपालिका–६, तुइन खोला पुलनजिकै आज (असार १२ गते) बिहान ११ बजेदेखि दिउँसो १ बजेसम्म करिब दुई घण्टा सवारी आवागमन बन्द हुने भएको छ।
सडक डिभिजन भरतपुरले जनाएअनुसार, उक्त स्थानमा पहिरोको जोखिम रहेकाले सम्भावित दुर्घटना न्यूनीकरण गर्नका लागि ढुंगा झार्ने कार्य गरिनेछ। “डिभिजनबाट लङ बुम एक्साभेटर प्रयोग गरी ढुंगा झार्ने कार्य रहेको हुँदा आज मिति २०८२/०३/१२ गते बिहान ११ः०० बजेदेखि दिउँसो १ः०० बजेसम्म करिब दुई घण्टाजति सवारी आवागमन बन्द रहने कुराको जानकारी गराइन्छ,” सडक डिभिजनको सूचनामा उल्लेख छ।
ADVERTISEMENT
सडक डिभिजनले उक्त अवधिभर आफ्नो लेन अनुशासनमा रही सवारीसाधन रोक्न पनि आग्रह गरेको छ। यसले गर्दा उक्त सडकखण्ड भएर यात्रा गर्ने यात्रुहरूलाई केही समय ढिलाइ हुनेछ।
