काठमाडौं। नेकपा एमालेका अध्यक्ष तथा प्रधानमन्त्री केपी शर्मा ओलीले बुधबार पार्टी केन्द्रीय कार्यालयस्थित वित्त तथा कोष व्यवस्थापन विभागमा पुगेर पार्टीलाई सदस्यता शुल्क र लेबी बुझाएका छन्।
एमालेको विधानअनुसार, नेता तथा कार्यकर्ताहरूले प्रत्येक वर्ष सदस्यता शुल्क र लेबी बुझाउनुपर्ने प्रावधान छ। सोहीअनुसार, सांसदसहित लाभको पदमा नियुक्त भएकाहरूबाट पार्टीले लेबी उठाउने गरेको छ।
ADVERTISEMENT
पार्टी केन्द्रीय कार्यालयका सचिव डा. भिष्म अधिकारीका अनुसार, प्रधानमन्त्री ओलीले प्रधानमन्त्री भएबापत मासिक रु २५ हजारका दरले एक वर्षको लेबी बुझाएका छन्। यसका साथै, उनले मासिक रु ३०० को दरले लाग्ने पार्टी सदस्यता शुल्क पनि तिरेका छन्।
कुल मिलाएर प्रधानमन्त्री ओलीले एक वर्षको रु ३ लाख ३ हजार ६०० रकम पार्टीलाई बुझाएको उनको सचिवालयले जनाएको छ।
