काठमाडौं । लोकप्रिय गायिका रचना रिमालको स्वास्थ्यमा अचानक समस्या आएपछि उनलाई नेपाली सेनाको हेलिकप्टरमार्फत उद्धार गरी उपचारका लागि काठमाडौं ल्याइएको छ। एक सांगीतिक कार्यक्रमका लागि रुकुम पश्चिम पुगेकी रिमालको स्वास्थ्य अवस्था बिग्रिएपछि यो कदम चालिएको हो।
प्राप्त जानकारी अनुसार, स्वास्थ्यमा समस्या देखिएपछि रिमाललाई सुर्खेतबाट बोलाइएको नेपाली सेनाको हेलिकप्टरमार्फत तत्काल नेपालगञ्ज पुर्याइएको थियो। नेपालगञ्जमा प्रारम्भिक उपचार गरिएपछि आज ९मंगलबार० बिहान उनलाई काठमाडौं ल्याई अस्पतालमा भर्ना गरिएको छ।
ADVERTISEMENT
हाल उनको उपचार जारी रहेको अस्पताल स्रोतले जनाएको छ। रिमालको स्वास्थ्य अवस्थाबारे थप विवरण आउन बाँकी छ। देशभर सांगीतिक प्रस्तुतिहरूका लागि परिचित गायिका रिमालको स्वास्थ्य समस्याले उनका शुभचिन्तकहरूमा चिन्ता बढाएको छ।
