वीरगन्ज । निजी तथा आवासीय विद्यालय संगठन (प्याब्सन) वीरगन्ज महानगरको आयोजनामा प्याब्सन अन्तर विद्यालय हाजिरी जवाफ प्रतियोगिता सम्पन्न भएको छ । वीरगन्जको गौतम माध्यामिक विद्यालयमा सम्पन्न प्रतियोगितामा मुनलाईट मावि १७० अंक ल्याएर प्रथम भएको छ ।
जीवनज्योती मावि १३० अंक ल्याएर दोस्रो, गोल्डेन फ्युचर माविले १०५ अंक सहित तेस्रो र मनकामना माविले ९५ अंक ल्याएर सान्त्वना पुरस्कार प्राप्त गरेका छन् । प्रतियोगिताको संयोजन प्याब्सनका केन्द्रीय सदस्य छेडुप लामाले गर्नुभएको थियो ।
प्रतियोगितामा विजेता विद्यालयका विद्यार्थीहरुलाई प्रमुख अतिथि प्याब्सन मधेस प्रदेशका अध्यक्ष गणेश साह तथा प्याब्सन प्राज्ञिक परिषद सदस्य डा.हरिशंकर साह लगायतले पुरस्कार र प्रमाण पत्र वितरण गरेका थिए ।
प्याब्सन महानगर अध्यक्ष राहुल श्रीवास्तवको अध्यक्षतामा भएको समापन समारोहमा प्याब्सन पर्साका अध्यक्ष सरोज चौधरी, सचिव अशोक संग्रौला, गौतम माविका प्रिन्सिपल गणेश क्षेत्री, सहायक प्रधानाध्यापक ललित कर्ण, रमेश प्रसाद शर्मा र शौराज प्रधान लगायत विभिन्न विद्यालयका प्रधानाध्यापक शिक्षक र विद्यार्थीहरुको सहभागिता रहेको थियो ।
२३ वटा विद्यालयले भाग लिएको प्रतियोगितामा अन्तिम ६ वटा विद्यालय फाईनलका लागि छनोट भएको प्रतियोगिता संयोजक छेडुप लामाले जानकारी दिए ।
