काठमाडौं । भूमि व्यवस्थापन तथा अभिलेख विभागले घरजग्गा कारोबारलाई व्यवस्थित गर्न ‘सम्पत्ति शुद्धीकरण तथा आतंकवादी क्रियाकलापमा वित्तीय लगानी निवारण सम्बन्धमा गरिएको निर्देशन, २०८२’ जारी गरेको छ। यो निर्देशन देशभरका भूमिसुधार तथा मालपोत कार्यालयहरूलाई दिइएको हो।
नयाँ निर्देशनअनुसार, घरजग्गा खरिद–बिक्रीको कारोबार गर्दा लाखदेखि माथि लाख रुपैयाँसम्मको कारोबार बैंकिङ प्रणाली वा विद्युतीय भुक्तानी प्रणालीमार्फत गर्नुपर्नेछ। लाख रुपैयाँभन्दा बढी रकमको कारोबार भने विद्युतीय भुक्तानी प्रणालीमार्फत सोझै र चेकमार्फत गर्दा बिक्रीकर्ताको नाममा तयार गरिएको गुड फर पेमेन्ट चेकमार्फत गर्नुपर्ने व्यवस्था गरिएको छ।
यसका साथै, घरजग्गा खरिद–बिक्रीको कारोबार गर्दा सूचक संस्थाले खरिदकर्ताको बैंक खाताबाट बिक्रीकर्ताको बैंक खातामा कारोबार बराबरको रकम जम्मा भएको प्रमाण लिखतसाथ संलग्न गर्नुपर्नेछ।
राजस्व दाखिलाका लागि, बैंकमार्फत राजस्व दाखिला गर्ने व्यवस्था भएका कार्यालयहरूको हकमा लाखभन्दा बढीको घरजग्गा खरिद–बिक्रीको कारोबार गर्दा लाग्ने रजिष्ट्रेसनबापतको शुल्क र दस्तुर खरिदकर्ताको खाताबाट र लाभकरबापतको राजस्व बिक्रीकर्ताको खाताबाट सम्बन्धित कार्यालयले तोकिदिएको राजस्व खातामा जम्मा गर्नुपर्नेछ।
त्यस्तै, घरजग्गाको खरिद–बिक्री गर्ने खरिदकर्ता वा बिक्रीकर्ताले एक दिनमा एकपटक वा पटक–पटक गरी करोड वा सोभन्दा बढी रकमको घरजग्गा खरिद–बिक्री गर्दा कार्यालयले त्यसको विवरण नेपाल राष्ट्र बैंकको वित्तीय जानकारी इकाइमा पठाउनुपर्नेछ।
