मकवानपुर। कान्तिलोकपथ (काठमाडौं-हेटौंडा सडक) चार दिनका लागि पूर्ण रुपमा बन्द हुने भएको छ। लोकपथ अन्तर्गत बगुवास्थित बागमती खोलामा निर्माणाधीन बेलिब्रिज जडान गर्न लागिएकोले सडक बन्द गर्न लागिएको हो।
जिल्ला प्रशासन कार्यालय मकवानपुरले सूचना जारी गर्दै आज (जेठ २१) देखि जेठ २४ गतेसम्म सडक पूर्ण रुपमा बन्द हुने जानकारी गराएको छ।
ADVERTISEMENT
यो अवधिमा हेटौंडाबाट काठमाडौं जाने र काठमाडौंबाट हेटौंडा जाने सवारी साधनलाई वैकल्पिक मार्गहरू प्रयोग गर्न सुझाइएको छ। कान्तिलोकपथको वैकल्पिक मार्गका रुपमा कुलेखानी-कलंकी-हुमाने वा कुलेखानी-सिस्नेरी-फर्पिङ सडक प्रयोग गर्न सकिनेछ।
