वीरगञ्ज । मधेस प्रदेश तालिम केन्द्रको आयोजनामा तीन दिने सर्पदंश उपचार तालिम आज सफलतापूर्वक सम्पन्न भएको छ। तालिममा पर्सादेखि सप्तरीसम्मका विभिन्न स्वास्थ्य संस्थाका ४८ जना चिकित्सक तथा स्वास्थ्यकर्मीहरूको सक्रिय सहभागिता रहेको थियो।
तालिमले सर्पदंशको उपचारमा चरणबद्ध र व्यवस्थित तरिकाले स्वास्थ्यकर्मीहरूलाई दक्ष बनाउने उद्देश्य राखेको थियो। सहभागीहरूले सर्पदंशको पहिचान, प्राथमिक उपचार र थप व्यवस्थापनबारे गहन ज्ञान प्राप्त भएको तालिममा सहभागी फेमिली फिजिसियन तथा नारायणी अस्पतालका प्रवक्ता डा.उदयनारायण सिंहले बताए ।
प्रदेश तालिम केन्द्रका प्रमुख हरिश चन्दले सम्पूर्ण सहभागीहरूलाई सफलतापूर्वक तालिम सम्पन्न गरेकोमा बधाई ज्ञापन गर्नुभयो। तालिमलाई सफल बनाउन डा। कृष्ण साह र डा। एराज खानको सहयोगी टिमले महत्वपूर्ण भूमिका खेलेको थियो। यस तालिमले मधेस प्रदेशमा सर्पदंश उपचार सेवाको गुणस्तर सुधार गर्न मद्दत पुग्ने विश्वास गरिएको छ ।
सर्पदशंका बिरामीलाई समयमा अस्पताल पु¥याउन नसक्दा र उचित उपचारको अभावमा सयौंले ज्यान गुमाउने गरेको छ । गाउँघरमा अन्धविश्वासमा लागेर झारफुक र धाँमी झाँक्रीको विश्वासमा उपचार गर्दा पनि सर्पदंशका बिरामीको ज्यान जानुका साथै धेरैको ज्यान जोखिममा पर्ने गरेको छ ।
