काठमाडौं । जिल्ला अदालत पश्चिम नवलपरासीका सहायक कम्प्युटर अपरेटर रामलखन बनियाँ दुई लाख रुपैयाँ घुससहित पक्राउ परेका छन्। अख्तियार दुरुपयोग अनुसन्धान आयोगको बुटवलबाट आएको टोलीले उनलाई पक्राउ गरेको हो।
अख्तियारका प्रवक्ता राजेन्द्र कुमार पौडेलका अनुसार बनियाँले लागूऔषध मुद्दामा कारागार कार्यालय नवलपरासीमा रहेका सेवाग्राहीलाई छुटाइदिन सहजीकरण गर्ने भन्दै घुस मागेका थिए।
ADVERTISEMENT
उनलाई नवलपरासी (बर्दघाट सुस्ता पश्चिम), पाल्हीनन्दन गाउँपालिका वडा नं. ३ बेलासपुर चोकबाट घुस रकमसहित नियन्त्रणमा लिइएको प्रवक्ता पौडेलले जानकारी दिए। अख्तियारले उनीमाथि थप अनुसन्धान सुरु गरेको छ।
